عـشـق البنات

موضوع: عـشـق البنات الجمعة سبتمبر 11, 2009 3:05 pm

صباحكم سكــر ومسائكم معطّر ..

عشــق البنــات

اللــيـــل ونـجـــــومــه وشــهــــبٍ تـعــــدّاه
وصــحــرا النــفــود فــوق هـاك التـلالـــي

تشــهــد على منهو صـحــيحــه خـطـايــاه
تشـــهــد على عــشــق البنات الشمالـــي

شــيـــخٍ عرفــــتـه حـــظ مـنهــي تــقـــدّاه
جــزل الفعـــايـــل من اســــود الرجالــي

مــر ولمـحــنـــي ثــم اقــبــــل بــطـــــرياه
انتي عـــنــود الـصــيـد .. ريـــم المفــالي ؟!

قلت الـعـيـون الّي ســبـتـني يـــ / لـــبّـــاه
حتّى الهنـــوف اصيــر واصيـــر سالـــي

قال اسـمحـيـلي , قــلـت ارحــب وحـيّـاه
قال ابـشــري لكـــن سؤالـــي هبـــألـــي

قـلت الـهــبـــال ان كـــان ودّك تــحـــدّاه
عطــني هبـــالك ثم عطـــني مجــــالـــي

قال المحبّــه .. قــلت يازيــــن ملـفــــاه
قال اوصفيـــها .. قـلت هالقــلب خـالي

قام يتـنـكّـــس قال ~آهٍ ~ على ~آه~
وجـــر الربابـــه واصبـــح الجو حالي

شبّت ضلـــوعي نار من حــر مصلاه
الحـــب ذقـتـه وقــت ماهـــو يــلالــي

كــل القـــصــيد الزين قـاله وتغــــنّاه
وانا لـــسـانـــي وقتـها بــه عـطــالي

حتى عيـــونــي شوفــها يـــم ماطـــاه
خوفـي يــشـوف العين ويقرى مقالي

مير الحــقيـقـه خــافـقي صــار يبـغـاه
يـــعنـــي انا انــســـاه هذا مـــحـالــي

يمــّه .. يبـه .. وشــهي حـياتي بلـيّاه ؟؟
شوفوا مصابـي سبــّة الي جـرى لي

يمــّه سألــني كــود انا كـــدّ لك جـــاه ؟؟
وانا ســكـــت من الحـــيا امــتثـــالـي

للّي يـقـــول الصمت ابلــغ حكــايــاه
للّي يقـــول الصمــت يعني رضى لي

يعني عـضـــيـد الـروح هالــيوم بـلقاه
وانا على شــانه طـبـخــــت الغـــزالي

وسلامتكم ..

منقول

ميرسي ياقلبي على هالموضوع النااايس
وتقبلي مروري

» قصص اغتصاب تحدث للاطفال و البنات واحيانا للرجال هذه بعض قصص الاغتصاب